"Grenda som lokalsamfunn"

Ullensvang herad er i gang med å føra bygdebøkene til Olav Kolltveit fram til notid. I samband med dette arrangerer Bygdeboknemnda no sitt andre seminar laurdag 2. april. Denne gongen set me søkjeljos på grenda som lokalsamfunn. 

For eit par generasjonar sidan var det mykje aktivitet i grendene rundt omkring. Heile familien hadde då gjerne grenda som ramme for sine daglege gjeremål. I dag er fleire og fleire av aktivitetane flytta ut or lokalmiljøet. Korleis skal det til dømes gå med grendene i Indre Hardanger når bunaden kan kjøpast på e-bay, husmora køyrer bil til Voss for å jobba, grendeskulane vert lagde ned og folk flytter for å bu i by på Bu? På bygdebokseminaret vil me sjå nærare på nokre sentrale sider av livet i grendene i distriktet her frå midten av 1900-talet og fram mot i dag. Me vil vidare drøfta kva utfordringar ein står overfor når ein skal skriva grendehistorier. Er grendene snart tømde for funksjonar, slik at bygdebokprosjekt står i fare for å verta reine nostalgiprosjekt? Eller kan ein snarare vera med å leggja grunnen for ei ny orientering mot grendesamfunna og dermed støtta arbeidet med å skapa aktive lokalsamfunn for framtida?

  Alle med interesse for lokalhistorie er velkomne som deltakarar på bygdebokseminaret. Seminaret vert skipa til på Hardanger folkemuseum, Utne. Påmelding til museet på

tlf. 53 67 00 40 eller e-post:   mail@hardanger.museum.no    innan måndag 21. mars.

Seminaravgift: 150 kr.

 Program:

10.30:       Velkomen v/Otto Vikane, leiar i bygdeboknemnda for Ullensvang

10.40:       Innleiing v/Nils Olav Østrem, redaktør for Ullensvang nye bygdebok

10.50:        Foredrag v/Kari Aslaug Hasle, historikar

                 og bygdebokforfattar,Høgskulen  i Volda:

                        Med grenda som perspektiv i bygdebokarbeid

                  - om utfordringar og erfaringar frå skriving av grendesoger

11.35:         Kommentar, spørsmål og ordskifte

11.50:         Kaffi

12.00:         Foredrag v/Bård Kolltveit, tidl. direktør ved Norsk sjøfartsmuseum, Oslo:

                      Eit hamskifte i samferdsla i Hardanger:

                 Då bussen og bilen vann over dampen og skyssbåten

12.45:       Kommentar, spørsmål og ordskifte

13.00:       Betasup

13.45:       Foredrag v/Hilde Danielsen, etnolog og forskar ved Universitetet i Bergen:

                           Husmor i Hardanger

                 - om husmorhistorier i grendehistoria

14.30:        Kommentar, spørsmål og ordskifte

14.45:        Kaffipause

15.00:        Foredrag v/Agnete Sivertsen, styrar ved Hardanger folkemuseum:

                         Bunaden blir global

                 - frå grendehandverk til globalhandel?

15.45:        Kommentar, spørsmål og ordskifte

16.00:        Oppsummering v/Marta Gjernes, forfattar for Ullensvang nye bygdebok

16.20:        Avslutning

16.30:        Slutt                                      

 Arrangørar: Bygdeboknemnda i Ullensvang herad og Hardanger folkemuseum